DiscipleshipCur ta gradisi Dios pa tur e 40 partisipante nan ku a duna tur di nan esfuerso i dedikashon pa por a lora ku exito e luna nan di estudio. For di Februari 2020 te na Juli 2020 ku perseveransia a partisipa den e kurso di Discipulado Basiko.
Gloria na nos Dios pa partisipante nan ku a tuma Jesus komo nan salbador i a intrega nan bida pa sirbi Jesus.
Juan 14:6 Jesus a bis'é: "Ami ta e kaminda, i e bèrdat, i e bida; ni un hende no ta bin serka e Tata, sino pa medio di Mi.
Un danki ta bai na Roelio Sambo ku a predika e anochi pa nos. Un danki tambe ta bai na Allison Raap, Anthony & Eudia de Freitas i Juni & Miriam Mercera pa por a permiti Dios su guiansa pa por a duna tur e estuido nan.
2 Timoteo 2:2 I e kosnan ku bo a tende for di mi den presensia di hopi testigu, konfia esakinan na hòmbernan fiel, kendenan lo ta kapas pa siña otro hende tambe. Lukas 14:25-33 25. Awor multitutnan grandi tabata kana huntu kunE; i El a drai wak i a bisa nan: 26. "Si un hende bin serka Mi, i no odia su tata i mama i esposa i yunan i ruman hòmbernan i ruman muhénan, sí, asta su mes bida, e no por ta Mi disipel. 27. Esun ku no karga su krus i bin Mi tras no por ta Mi disipel. 28. "Pasobra kual di boso, ora ku e kier traha un toren, no ta sinta kalkulá e gastunan promé, pa mira si e tin sufisiente pa kab'é? 29. Sino, ora ku el a pone fundeshi i no por kab'é, tur ku mira esaki lo kuminsá hasi bofon di djé, 30. bisando: 'E hòmber aki a kuminsá konstruí i no tabata por a kaba.' 31. "Of kual rei, ora ku e ta sali pa bai guera kontra un otro rei, lo no sinta pensa bon promé si e ta sufisiente fuerte ku dies mil, pa enfrentá esun ku ta bin kontra djé ku binti mil? 32. Of si e no por, e ta manda un delegashon, mientras ku e otro ta leu ainda, i ta pidi kondishonnan di pas. 33. Asina anto, ningun di boso ku no ta renunsiá tur loke e tin no por ta Mi disipel.
Dios bendishona su palabra den bo bida.
Juni Mercera
Comments